Portugaliya terma jamoasining sobiq mashhur futbolchisi Rikardu Kuarejma jamoaning Jahon chempionatidan chiqib ketganidan keyingi muammolari haqida gapirdi.
Portugaliyaliklar 1/8 final bosqichida Ispaniya terma jamoasiga minimal hisobda imkoniyatni boy berib, o‘z yurishlarini yakunlashdi.
«Hamma Portugaliyaning ushbu tarkibini tarixdagi eng yaxshisi deb aytayotgandi, ammo amalda nimaga erishdik? Ular nimani yutishdi? Uyimizga boshimizni eggan holda qaytyapmiz. Yarim himoyamizda juda ko‘p ajoyib futbolchilar bor, lekin ular bu Jahon chempionatida juda zaif ko‘rinishdi. Xuddi shu gapni hujum haqida ham aytish mumkin, himoya esa umuman tarqalib ketdi. Yaxshisi shu joyda to‘xtayman, aks holda ortiqcha gapirib yuborishim mumkin», — deya Kuarejmaning so‘zlarini keltiradi The Touchline.
Portugaliya bilan bahsda Ispaniyaga g‘alaba keltirgan golni 91-daqiqada Mikel Merino kiritdi.
