«Челси» клубининг собиқ устози Лиам Росьеньор «Париж» футбол клубининг янги бош мураббийига айланди. Бу ҳақда Франция жамоаси матбуот хизмати хабар бермоқда.
41 ёшли инглиз мутахассиси «Париж» клуби билан 2028 йилнинг июнь ойига қадар мўлжалланган меҳнат шартномасини имзолади. Таъкидланишича, мутахассис 9 июль кунидан ўз вазифасини бажаришга киришади. Айнан шу куни жамоа таътилдан қайтади ва янги мавсумга тайёргарликни бошлайди.
Айтиш жоизки, Росьеньор бундан аввал ҳам Францияда фаолият олиб борган. У 2024 йилдан 2026 йилгача «Страсбург» клубини бошқарган эди. Жорий йилнинг январь ойидан апрель ойига қадар эса мураббий «Челси»га раҳбарлик қилди.
Франция чемпионати — 2025/26 мавсуми якунларига кўра, «Париж» турнир жадвалида 11-ўринни эгаллади. Клуб 34 та учрашувда 44 очко жамғаришга муваффақ бўлган.
