Англиянинг «Арсенал» клуби ва Испания терма жамоаси ярим ҳимоячиси Микель Мерино Жаҳон чемпионати 1/8 финалидан ўрин олган Португалияга қарши ўйинда (1:0) ягона гол муаллифига айланганидан сўнг, ушбу ғалаба тўпини кимга бағишлаганини сўзлаб берди.
«Сан-Фермин фестивали бошланишини нишонлаш учун ажойиб усул бўлди. Гол урганингда ҳамма нарсани — яхшисини ҳам, ёмонини ҳам эслайсан; қийин лаҳзалар ҳам бўлди, масалан, фарзандимнинг улғаяётганини кўра олмаганим, аммо мен бундан куч оламан. Мен бурчак байроқчаси ёнидаги ўзимнинг одатий гол нишонлашимга қайтдим. Бу голни менга меҳнатсеварликни ўргатган оиламга бағишлайман», — дея Меринонинг сўзларини келтиради Mundo Deportivo нашри.
ЖЧ-2026 чорак финалида Испания Бельгияга қарши майдонга тушади. Учрашув 10 июль куни Тошкент вақти билан 11 июль соат 00:00 да бошланади.
