АҚШ терма жамоаси бош мураббийи Маурисио Почеттино Жаҳон чемпионати — 2026 дан чиқиб кетганидан сўнг ўзининг келажаги борасидаги саволга жавоб қайтарди. Америкаликлар 1/8 финал босқичида Бельгия терма жамоасига имкониятни бой бериб, турнирни тарк этишди. Якуний ҳисоб — бельгияликлар фойдасига 4:1.

«Ҳозир [ЖЧдан чиқиб кетгандан сўнг] мен бироз дам оламан ва хордиқ чиқараман. Кўрамиз, федерация қандай қарорга келади ва мен қандай қарор қабул қиламан. Фақат шуни айта оламанки, мен бу ерда бахтлиман. Бироқ янги шартнома ҳақида гапирадиган вақт ҳали келгани йўқ», — дея Почеттинонинг сўзларини келтиради журналист Фабрицио Романо ўзининг ижтимоий тармоқларида.

АҚШ терма жамоаси турнирни тарк этди, ундан аввалроқ Канада ва Мексика ҳам чиқиб кетган эди — ЖЧ мезбонларидан бирортаси ҳам 1/8 финал босқичидан ўта олмади.