Испания терма жамоаси латерали Марк Кукурелья ЖЧ-2026 1/8 финалидан ўрин олган Португалияга қарши ўйин ҳақида фикр билдирди. «Қизил фурия» 1:0 ҳисобида минимал ғалабани қўлга киритди.
«Жамоамиз яхши ўйин кўрсатди. Биз буни уддаладик. Роналдуга майдонда ўзини қулай ҳис қилишига йўл қўймадик. Шунга қарамай, у дарвозамиз олдида бир нечта имкониятлар яратишга муваффақ бўлди», - дея ҳимоячининг сўзларини келтиради AS.
Эслатиб ўтамиз, бўлиб ўтган учрашувдаги ягона голни ярим ҳимоячи Микель Мерино киритди.
Испания терма жамоаси мундиалнинг чорак финалига йўл олди ва у ерда Бельгия жамоаси билан тўқнаш келади. Ўйин жума куни, 10 июлга белгиланган.
