Лондоннинг «Челси» ва «Страсбург» клублари собиқ мураббийи Лиам Росеньор «Париж» ФК бош мураббийи этиб тайинланди. Бу ҳақда Франция клуби матбуот хизмати расмий сайтда хабар бермоқда. Томонлар икки йиллик шартнома имзоладилар.
Росеньор ушбу лавозимда франциялик Антуан Комбуаренинг ўрнини эгаллади. Комбуаре қўл остида клуб Лига 1да 11-ўринни эгаллаган эди. Олий дивизиондаги ўрин сақлаб қолинганига қарамай, парижликлар раҳбарияти мутахассис билан кейинги ҳамкорлик бўйича келишувга эриша олмади.
Эслатиб ўтамиз, Лиам Росеньор 2026 йилнинг апрель ойида Англия Премьер-лигасидаги кетма-кет бешта мағлубиятли сериядан сўнг «Челси» бош мураббийлигидан бўшатилган эди.
