ФИФА ЖЧ-2026 доирасидаги АҚШ ва Босния ва Герцеговина (2:0) учрашувида Фоларин Балогунни майдондан четлатган ҳакам Рафаэл Клаусни қўллаб-қувватлади.
Хабар қилинишича, АҚШ футбол федерацияси ҳомийси Скотт Гудвин Дональд Трамп маъмурияти мулозимлари эътиборини Клауснинг Бразилиядаги келишилган ўйинларга алоқадорлиги ҳақидаги айбловларга қаратган.
АҚШ президенти Балогуннинг дисквалификацияси бекор қилинишини шарҳлар экан, шундай деди: «Агар ковлаштириб кўрилса, ҳакамнинг ўтмиши баъзи саволларни туғдиради. Бу ҳақда гапириб, зиддият келтириб чиқармоқчи эмасман, лекин бу жуда шубҳали».
«ФИФА Рафаэл Клаусни дунёнинг энг етакчи профессионал ҳакамларидан бири ва жаҳон чемпионатидаги ФИФА элита ҳакамлар гуруҳининг қадрли аъзоси сифатида эътироф этади. У ўз фаолияти давомида доимий равишда профессионаллик ва ҳалолликнинг энг юқори стандартларини намойиш этиб келган», — дейилади ФИФА баёнотида.
