Юлдуз ҳужумчи Криштиану Роналдунинг опаси Катя Авейру ижтимоий тармоқларда пост қолдирди. У Португалия терма жамоаси жаҳон чемпионатининг 1/8 финал босқичида чиқиб кетганидан сўнг укасига мурожаат йўллади.

«Бошингни баланд кўтар, ука. Тож ҳеч қачон тушиб кетмайди. Сен буюксан, сен тақдир томонидан танлангансан, сен ажойибсан. Барчаси учун сенга раҳмат. Катта раҳмат. Орзулар учун раҳмат. Қувончлар учун раҳмат. Миллион марта раҳмат. Охиригача биргамиз», — деб ёзди Катя.

Эслатиб ўтамиз, Португалия Испанияга 0:1 ҳисобида имкониятни бой берди. Ўйиндан сўнг Криштиану Роналду бу унинг фаолиятидаги сўнгги мундиал бўлганини яна бир бор таъкидлади. Шу билан бирга, 41 ёшли футболчи терма жамоада ўйнашда давом этиш-этмаслиги борасида ҳали бир қарорга келмаган.