Лионель Месси жаҳон чемпионатларидаги голли сериясини узайтирди.

Аргентина терма жамоаси ҳужумчиси ЖЧ-2026 1/8 финалидан ўрин олган Мисрга қарши ўйинда (3:2) рақиб дарвозасини ишғол қилди.

Бундан аввал у 1/16 финалда Кабо-Вердега (3:2), гуруҳ босқичида эса Иордания (3:1), Австрия (2:0) ва Жазоир (3:0) терма жамоаларига гол урган эди. ЖЧ-2022 турнирида эса Месси финалда Францияга (3:3, пенальтилар бўйича — 4:2), 1/2 финалда Хорватияга (3:0), 1/4 финалда Нидерландияга (1:1, пенальтилар бўйича — 5:3) ва 1/8 финалда Австралияга (2:1) гол киритган.

Кетма-кет 9 та ўйинда гол уриш — жаҳон чемпионатлари тарихидаги рекорд серия ҳисобланади. Бунгача франциялик Жюст Фонтен (1958 йилда) ва бразилиялик Жаирзиньо (1970 йилда) кетма-кет 6 та учрашувда гол уришга муваффақ бўлишган эди.