Миср футбол ассоциацияси (EFA) президенти Ҳани Або Рида ЖЧ-2026 1/8 финалидан ўрин олган Аргентина ва Миср терма жамоалари ўртасидаги баҳсда (3:2) ишлаган франциялик ҳакам Франсуа Летексье ва унинг ҳакамлар бригадаси устидан расмий шикоят аризаси билан чиқди, деб хабар бермоқда AS.
EFA фикрига кўра, ҳакамларнинг бир қатор қарорлари баҳсли бўлиб, учрашув тақдирига жиддий таъсир кўрсатган. Федерация тушунтириш берилишини, суриштирув ўтказилишини, шунингдек, франциялик ҳакамлар бригадасини ЖЧ-2026 турниридаги кейинги ўйинлардан четлатишни талаб қилди.
Бундан аввал ҳам бир қанча миллий федерациялар, жумладан, Бельгия футбол ассоциацияси ҳам ҳакамлар ишидан норозилик билдирган эди.
