Пенальтилар сериясида ғалаба голини киритган швейцариялик Рубен Варгас Колумбия устидан қозонилган ғалабадан (0:0, пенальтилар бўйича — 4:3) сўнг ЖЧ-2026 чорак финалига йўл олганликлари ҳақидаги ҳиссиётлари билан ўртоқлашди.

«Содир бўлган воқеани ҳали охиригача ҳис қилиб улгурмадим деб ўйлайман. Ушбу лаҳза учун Худога шукрона айтаман. Мен ҳатто майдонга туша олишимга ҳам тўлиқ ишонмаган эдим. Бироқ барибир таваккал қилиб кўришга қарор қилдик ва ортга назар ташлаб, жамоамга ёрдам бера олганимдан шунчаки миннатдорман ва бахтлиман.

Жамоамиз ақл бовар қилмас даражада катта ҳажмдаги ишни бажарди ва 120 дақиқадан кўпроқ вақт давомида майдонда жанг қилди. Бугун бу ерда футбол ўйнаш умуман осон бўлгани йўқ. Энди эса биз тарих яратдик. Бу шунчаки ажойиб туйғу», — дея Варгаснинг сўзларидан иқтибос келтиради ФИФА расмий сайти.

Жаҳон чемпионатининг чорак финалида Швейцария Аргентина билан тўқнаш келади. Учрашув якшанба, 12 июль куни бўлиб ўтади ва Тошкент вақти билан соат 06:00 да бошланади.