UFC собиқ чемпиони Хабиб Нурмагомедов футбол бўйича жаҳон чемпионатининг 1/8 финалидан ўрин олган Аргентина ва Миср терма жамоалари ўртасидаги учрашув (3:2) ҳақидаги таассуротлари билан ўртоқлашди.

79-дақиқагача аргентиналиклар 0:2 ҳисобида мағлуб бўлишаётган эди, шундан сўнг рақиб дарвозасини уч бор ишғол этиб, ғалабани илиб кетишга муваффақ бўлишди. 39 ёшли Лионель Месси учрашувда битта голли узатмани амалга оширди ва битта гол урди.

"Айтгандим-ку — бу жамоа ҳақиқатан ҳам ирода ва руҳият эвазига ўйнайди. Тўғри, улар менга ёқишмайди, лекин тан олиш керак, улар индивидуал эмас, айнан жамоавий футбол ўйнашни билишади. Ҳатто Мессининг ўша голи ҳам. Зарба беришдан олдин тўпни унинг айнан оёғига қандай қилиб чиройли тарзда етказиб беришганига эътибор қаратинг, шунчаки секинлаштирилган такрорий лавҳани томоша қилинг. Аргентина мухлисларини табриклайман, ушбу чемпионатда улар ҳар бир ўйинни фантастик тарзда ўтказишмоқда", — деб ёзди Нурмагомедов ижтимоий тармоқларда.