The Guardian нашрининг хабар беришича, АҚШ президенти Дональд Трамп билан НАТО саммитида Жаҳон чемпионати ҳақида гаплашмасликка келишиб олинган.
Шимолий Атлантика шартномаси ташкилотининг 36-саммити 7–8 июль кунлари Анқарада бўлиб ўтди. The Guardian ёзишича, ташкилотга аъзо давлатлар етакчилари АҚШ президентини «асабийлаштирмаслик учун» у билан бўладиган суҳбатларда футбол бўйича Жаҳон чемпионатини тилга олмасликка норасмий тарзда келишиб олишган.
Эслатиб ўтамиз, аввалроқ ФИФА АҚШ терма жамоаси ҳужумчиси Фоларин Балогунга нисбатан дисквалификацияни бекор қилган эди. У ЖЧ-2026 1/16 финалида Босния ва Герцеговинага қарши ўйинда (2:0) ВАР аралашувидан сўнг Тарик Муҳаремовичнинг тўпиғига босиб олгани учун қизил карточка олганди. Кейинчалик Балогуннинг бир ўйинлик дисквалификацияси бир йиллик синов муддати билан тўхтатиб турилди – шу туфайли АҚШ ҳужумчиси 1/8 финалда Бельгияга қарши ўйинда (1:4) иштирок этишга муваффақ бўлганди.
