TEAMtalk хабарига кўра, «Арсенал» ва «Тоттенхэм» «Лейпциг» ҳамда Норвегия терма жамоаси ҳужумчиси Антонио Нусани ўз сафига қўшиб олиш имкониятларини ўрганаётган Премьер-лиганинг бешта клуби қаторига киради.

Манбага кўра, айни дамда 21 ёшли футболчининг фаолиятини давом эттириши учун энг эҳтимолий манзил айнан Англия Премьер-лигаси ҳисобланади. Шунингдек, унга «Ньюкасл», «Астон Вилла», «Кристал Пэлас», «Милан», «Наполи» ва «Атлетико» клублари ҳам қизиқиш билдирмоқда.

«Лейпциг» футболчининг трансферидан 50-60 миллион евро ишлаб олишни мақсад қилган.

Нуса Германия жамоасида 2024 йилнинг августидан буён ўйнаб келмоқда, унинг шартномаси 2029 йилнинг 30 июнига қадар мўлжалланган. 2025/26 йилги мавсумда у 35 та ўйинда 5 та гол урди ва 3 та голли узатмани амалга оширди. ЖЧ-2025 да эса футболчи 5 та ўйинда 1 та гол муаллифи бўлди.

Transfermarkt портали футболчининг трансфер қийматини 32 миллион еврога баҳоламоқда.