TEAMtalk xabariga ko‘ra, «Arsenal» va «Tottenxem» «Leypsig» hamda Norvegiya terma jamoasi hujumchisi Antonio Nusani o‘z safiga qo‘shib olish imkoniyatlarini o‘rganayotgan Premyer-liganing beshta klubi qatoriga kiradi.

Manbaga ko‘ra, ayni damda 21 yoshli futbolchining faoliyatini davom ettirishi uchun eng ehtimoliy manzil aynan Angliya Premyer-ligasi hisoblanadi. Shuningdek, unga «Nyukasl», «Aston Villa», «Kristal Pelas», «Milan», «Napoli» va «Atletiko» klublari ham qiziqish bildirmoqda.

«Leypsig» futbolchining transferidan 50-60 million yevro ishlab olishni maqsad qilgan.

Nusa Germaniya jamoasida 2024 yilning avgustidan buyon o‘ynab kelmoqda, uning shartnomasi 2029 yilning 30 iyuniga qadar mo‘ljallangan. 2025/26 yilgi mavsumda u 35 ta o‘yinda 5 ta gol urdi va 3 ta golli uzatmani amalga oshirdi. JCH-2025 da esa futbolchi 5 ta o‘yinda 1 ta gol muallifi bo‘ldi.

Transfermarkt portali futbolchining transfer qiymatini 32 million yevroga baholamoqda.