«Фиорентина» ярим ҳимоячи Артюр Аттанинг трансфери бўйича «Удинезе» билан келишувга эришди. Битим суммаси 30 миллион еврони ташкил этади, шунингдек, бонуслар ва кейинги сотувдан фоиз ҳам кўзда тутилган, деб хабар бермоқда журналист Фабрицио Романо.

23 ёшли франциялик футболчи тиббий кўрикдан ўтиш ва шартнома имзолаш учун аллақачон Флоренцияга йўл олган. У «Удинезе» сафида икки мавсум давомида тўп сурди. Якунланган мавсумда хавбек барча турнирларда 34 та ўйин ўтказиб, 6 та гол урди ва 3 та голли узатмани амалга оширди.

«Удинезе» Италия чемпионати турнир жадвалини 10-ўринда якунлади, «Фиорентина» эса 42 очко билан 15-поғонадан жой олди.