«Реал» ҳужумчиси Гонсало Гарсия шу ёзда клубини ўзгартириши мумкин.

Журналист Гонсало Тортосанинг маълумотларига кўра, «Бетис» форвардни сотиб олишга қизиқиш билдирмоқда. Жамоа марказий ҳужумчи билан шартнома имзоламоқчи, Гарсия эса «Бетис»нинг шорт-листида биринчилардан бўлиб турибди.

Гонсало Гарсия «Реал» тарбияланувчиси ҳисобланади. Унинг «қаймоқранглилар» билан шартномаси 2030 йилнинг 30 июнига қадар мўлжалланган.

2025/26 йилги мавсумда ҳужумчи Мадрид клуби сафинда барча турнирларда 39 та ўйин ўтказиб, 8 та гол урди ва 3 та голли узатмани амалга оширди. Transfermarkt портали Гарсиянинг қийматини 30 миллион еврога баҳоламоқда.