Швейцария терма жамоаси бош мураббийи Мурат Якин Аргентинага қарши ўйин олдидан ўз кутилмалари билан ўртоқлашди. Жамоалар ЖЧ-2026 чорак финалида 12 июль куни Тошкент вақти билан соат 6:00да тўқнаш келишади.
«Биз амалдаги чемпионга қарши майдонга тушамиз — бу ноёб имконият. Аммо Аргентина умуман мағлуб этиб бўлмас жамоа эмас. Албатта, биз уларни мағлуб этишга ҳаракат қиламиз. Биз Жанубий Америка жамоаларининг менталитетини биламиз — улар учун ҳар бир ўйин муҳим», — дея Якиннинг сўзларини келтиради TyC Sports ижтимоий тармоқларда.
Турнирнинг 1/8 финалида Швейцария терма жамоаси Колумбия жамоасини мағлуб этган эди. Учрашув Канаданинг Ванкувер шаҳридаги «Би-Си Плэйс» стадионида бўлиб ўтди. Ўйиннинг асосий ва қўшимча вақтлари 0:0 ҳисобида якунланди. Пенальтилар сериясида эса швейцарияликлар кучлироқ чиқишди — 4:3.
