Мадриднинг «Реал» клуби ва Бельгия терма жамоаси собиқ футболчиси Эден Азар Испания терма жамоаси вингери Ламин Ямал ҳақида ўз фикрлари билан ўртоқлашди.
«У менга худди футбол ўйнашни бошлаган пайтларимдаги ўзимни эслатиб юбормоқда. Мен ҳам тахминан шу ёшда эдим ва ҳамма мендан жуда катта нарсаларни кутарди. Аммо, якунда, агар у майдонда фақат ўзи уддалай оладиган даражада завқланиб ўйнашда давом этса, ишончим комилки, у ажойиб жаҳон чемпионатини ўтказади. Бу худди одамлар томоша қилишни яхши кўрадиган тоифадаги футболчи. Футболнинг асл моҳияти ҳам шунда — сен майдонда завқ олишинг ва одамларни орзу қилишга мажбур эта олишинг керак», — дея Азарнинг сўзларини келтиради Mundo Deportivo нашри.
