Япониялик ярим ҳимоячи Даити Камада Лондоннинг «Кристал Пэлас» клуби билан тузилган шартномасини 2027 йилгача узайтирди. Бу ҳақда клубнинг X ижтимоий тармоғидаги расмий саҳифаси хабар қилди.

29 ёшли футболчининг аввалги шартномаси июнь ойи охирида якунланган эди. Шу сабабли у бир неча кун эркин агент мақомида юрган.

Ўтган мавсумда Камада барча мусобақаларда 46 та учрашувда иштирок этиб, 1 та гол, 5 та голли узатма ва 4 та сариқ карточка қайд этди.

Transfermarkt портали маълумотига кўра, футболчининг бозор қиймати 10 миллион еврога тенг.