Аввалроқ «Тоттенхэм» «Ньюкасл» хавбеки Сандро Тонали билан шартнома имзолаган эди. ОАВ маълумотларига кўра, трансфер суммаси 117 миллион еврони ташкил этган.
MailSport нашрининг очиқлашича, футболчига яна бир даъвогар мавжуд бўлган. «Арсенал» Тоналини сотиб олиш имкониятларини кўриб чиққан. Футболчининг ўзи ҳам айнан «канонирлар» сафига ўтишни афзал кўрган.
Бироқ «Арсенал» ушбу трансфердан воз кечишга қарор қилди. Клуб Сандро Тонали учун бунчалик катта маблағ тўлашни ҳамда унга ҳафтасига 275 минг фунт маош беришни истамади. «Арсенал» раҳбарияти ушбу пулларни янада самаралироқ сарфлаш мумкин деб ҳисоблайди.
