Аргентина терма жамоаси бош мураббийи Лионель Скалони Испания терма жамоаси вингери Ламин Ямалнинг ярим финалдаги Испания ва Франция ўртасидаги учрашув турнирнинг «яширин финали» бўлиши ҳақида айтган гапларига муносабат билдирди.
«Мен унинг фикрига қўшиламан. Ламиннинг сўзларида бирор нотўғри нарса бор деб ўйламайман. Ҳатто Жаҳон чемпионати бошланишидан олдин ҳам ҳамма уларни асосий фаворитлар қаторида бўлишини кутганди.
Испания ҳаққоний тарзда Бельгиядан ўтди, Франция эса Марокашни мағлуб этиб, олдинга катта қадам ташлади. Афсуски, бу жамоалардан фақат биттаси финал йўлланмасини қўлга киритади», — деди Скалони.
Аргентина терма жамоаси Жаҳон чемпионатининг 1/4 финалида 12 июль куни Швейцарияга қарши майдонга тушади.
