Испания терма жамоаси футбол бўйича ўсмирлар ўртасидаги 2026 йилги Европа чемпионати финалида Германияни 2:0 ҳисобида мағлуб этди.

Испанлар сафида Уго Лопес ва Марио Ривас гол муаллифларига айланишди.

Испания ўсмирлар Евро-2026 даги бешта учрашувда бирорта ҳам гол ўтказиб юбормади: гуруҳ босқичида Уэльс (7:0), Дания (3:0) ва Германия (4:0) терма жамоалари устидан ғалаба қозонилган бўлса, ярим финалда Хорватия (3:0) таслим этилди.

Испания терма жамоаси ўсмирлар ўртасидаги Европа чемпионатида 13-марта зафар қучди — бу турнир тарихидаги энг яхши кўрсаткичдир.