Англия терма жамоаси ярим ҳимоячиси Жуд Беллингем 2026 йилги жаҳон чемпионати 1/4 финалида Норвегияга (2:1) қарши кечган баҳс давомида чап елкасида муаммоларга дуч келди. Футболчи журналистлар олдига чиқишдан олдин ҳам аввал операция қилинган елкасини ушлаб турган. Бу ҳақда AS хабар бермоқда.

Аввалроқ Беллингем 2022 йилдан, яъни Дортмунднинг «Боруссия» клубида ўйнаган давридан бери елкасидаги оғриқлардан азият чекиб келаётгани хабар қилинганди. 2023 йилда, Мадриднинг «Реал» клуби сафида ҳаракат қилаётганда, Беллингем «Райо Вальекано»га қарши ўйинда омадсиз йиқилиб, елкаси чиқиб кетган эди. Ярим ҳимоячи зарур операцияни 2025 йилнинг ёзигача ортга суриб келган. Операциядан сўнг Беллингем 2025/2026 йилги мавсум бошланишини ўтказиб юборган эди.

Жаҳон чемпионати ярим финалида Англия Аргентина билан тўқнаш келади (15 июль).