«Барселона» клуби «ПСЖ» томонидан бўлаётган қизиқиш фонида ҳужумчи Ферран Торреснинг трансфер баҳосини 50 миллион евро этиб белгилади. Бироқ Париж клуби шартномаси тугашига атиги бир йил қолган форвард учун ортиқча маблағ сарфламоқчи эмас ва унинг ўтиши учун 40 миллион евро таклиф қилишга тайёр. Бу ҳақда Sport.es нашри хабар бермоқда.
Манбанинг берган маълумотларига кўра, агар Торреснинг ўзи «Барселона»дан кетишни сўраса, «ПСЖ» бундан ҳам камроқ сумма таклиф қилиши мумкин. Парижликлар ушбу трансфер борасида шошилишмаяпти ва ҳужумчининг Жаҳон чемпионати — 2026 мусобақасидаги иштироки якунланишини кутишмоқчи.
Маълумот учун, Ферран Торрес 2022 йилнинг январидан буён «блауграна» шарафини ҳимоя қилиб келади. Ортда қолган мавсумда 26 ёшли ҳужумчи барча турнирларда 49 та ўйинда майдонга тушиб, 21 та гол урди ва 3 та голли узатмани амалга оширди. Transfermarkt портали бераётган маълумотга кўра, футболчининг айни дамдаги бозор қиймати 50 миллион еврони ташкил этади.
