Мадриднинг «Реал» клуби ярим ҳимоячиси Эдуардо Камавинга ёзги трансферлар ойнаси вақтида сотиб юборилиши мумкин.
Маълумки, франциялик футболчи ҳеч қаерга кетишни истамаяпти. Marca нашри хабарига кўра, 23 ёшли футболчи учун мавсумолди тайёргарлик жараёнида ўзини кўрсатиш жуда муҳим аҳамият касб этади, шу орқали у Жозе Моуриньо ва «қаймоқранглилар» раҳбариятини ўз салоҳиятига ишонтириши керак. Футболчининг жамоани тарк этишни истамаётганига қарамай, клубда уни сотиш имконияти ҳали ҳам истисно қилинмаяпти.
Эдуардо Камавинганинг «Реал» билан тузган шартномаси 2029 йилнинг ёзига қадар мўлжалланган. Transfermarkt портали ярим ҳимоячини 50 миллион еврога баҳоламоқда.
