"Челси" бош мураббийи Хаби Алонсо жамоа билан ишни бошлаганидан кейинги дастлабки таассуротлари билан ўртоқлашди.
"Мен футболчилар яхши мавсумни ўтказишни исташаётганини аллақачон ҳис қиляпман. Ўтган мавсумдан сўнг биз ҳаммасини нолдан бошлаяпмиз – янги мураббийлар штаби ва янги бош мураббийга эгамиз. Футболчилар биз қилаётган ишларга чин дилдан берилган. Жамоада энергия ва руҳий кўтаринкилик бор", - деди Алонсо журналистларга.
Эслатиб ўтамиз, "Челси" ўтган мавсумни Премьер-лига турнир жадвалида 10-ўринда якунлаган эди. Янги мавсумда Лондон жамоаси еврокубокларда иштирок этмайди.
Футболчи сифатида Хаби Алонсо Англияда "Ливерпуль" сафида тўп сурган.
