Англия терма жамоаси собиқ футболчиси Габриэль Агбонлахор Францияни мундиалда қолган жамоалар ичида энг кучлиси деб ҳисоблайди.
«Менимча, Франция турнирдаги энг яхши жамоа бўлди. Уларда бўш зоналар йўқ: жамоа ҳимояда ишончли ўйнайди, рақибларнинг «автобус» услуби ёки юқори прессингига қарши ҳар доим ечим топа олади», — деди Агбонлахор talkSPORT эфирида.
«Уларнинг ҳужум ва ярим ҳимоя чизиғида танлов имконияти жуда катта. Менимча, бу жамоа жаҳон чемпионатлари тарихидаги энг буюк терма жамоалардан бири сифатида қолиши мумкин. Уларни тўхтатиш жуда қийин бўлади», — дея қўшимча қилди собиқ футболчи.
Франция ярим финалда Испания билан куч синашади.
