Бугун ЖЧ-2026 нинг иккинчи ярим финал учрашуви бўлиб ўтади — унда Аргентина ва Англия терма жамоалари куч синашади.

"Албиселесте"нинг 39 ёшли сардори Лионель Месси учун бу фаолиятидаги Англия миллий жамоасига қарши биринчи ўйин бўлади. Юлдуз аргентиналикнинг инглиз жамоалари билан клублар миқёсидаги тўқнашувлар тарихи анча бой: ҳужумчи Чемпионлар лигасида АПЛ клубларига қарши 36 та учрашув ўтказиб, 27 та гол урган ва 6 та голли узатмани амалга оширган.

Аргентина ва Англия ўртасидаги баҳс Тошкент вақти билан соат 00:00 да (16 июль кунига ўтар кечаси) бошланади. Финалда ғолиб жамоа сешанба куни Францияни мағлуб этган (2:0) Испания терма жамоаси билан тўқнаш келади.