Аргентина терма жамоаси бош мураббийи Лионель Скалони Жаҳон чемпионати ярим финалидаги Англияга қарши ўйинни икки мамлакат ўртасидаги сиёсий келишмовчиликлар билан боғлашни истамаслигини билдирди. Учрашув атрофидаги қўшимча кескинлик 1982 йилда Буюк Британия ва Аргентина ўртасида бўлиб ўтган Фолкленд уруши билан боғлиқ.
«Ҳақиқат шундаки, бу футбол ўйини. Мен бу нарсаларни аралаштира олмайман, айниқса кўп йиллар олдин содир бўлган воқеаларга ҳурмат сифатида. Бу тарихимиздаги жуда аянчли давр бўлган ва биз бу борада кўп нарса қила олмаймиз — бор гап шу. Албатта, биз ўша инсонларни хотирлаймиз. Аммо бу футбол ўйини ва биз бу икки тушунчани бирлаштирмаслигимиз керак», — дея Скалонининг сўзларини келтиради BBC.
Англия ва Аргентина ўртасидаги баҳс 15 июль куни бўлиб ўтади. Ўйин Тошкент вақти билан соат 00:00 да (16 июль кунига ўтар кечаси) бошланади.
