Аргентина терма жамоаси бош мураббийи Лионель Скалони ЖЧ-2026 ярим финали доирасидаги Англияга қарши ўйин арафасида мухлисларга мурожаат йўллади. Иккинчи ярим финал учрашуви бугун бўлиб ўтади.
«Мухлисларимизга йўллайдиган хабарим? Ушбу ондан завқ олинг. Бугунги кундан роҳатланинг. Футболчиларимиз билан фахрланадиган, улар учун хурсанд бўладиган вақт келди. Биз бор кучимизни ишга соламиз», — деди Скалони матбуот анжуманида.
Сешанба куни биринчи ярим финал ўйини бўлиб ўтди, унда Испания терма жамоаси Францияни мағлуб этди (2:0). Чемпионат соврини учун ҳал қилувчи баҳс 19 июль куни бўлиб ўтади.
