ЖЧ-2026 нинг иккинчи ярим финалида Англия ва Аргентина терма жамоалари тўқнаш келишади. «Манчестер Юнайтед»нинг собиқ ярим ҳимоячиси Пол Скоулз бўлажак учрашув ҳақидаги фикрлари билан ўртоқлашди.

«Бу ўйинда ҳисоб 4:3 бўлиши мумкин. Исталган томон фойдасига. Мен сариқ карточкалар ва четлатишларни кутяпман. Агар аргентиналиклар ютқазаётган бўлса, улар асабийлашиши мумкин. Агар ютқазсак, бу даҳшатли бўлади. Месси улар сафида ўйнаса ҳам, бизнинг жамоамиз кучлироқ. Менинг фикрим – 4:3 Англия ғалабаси», — дея собиқ футболчининг сўзларини келтиради Daily Mirror.

Ўйин чоршанба куни, 15 июль куни бўлиб ўтади, Тошкент вақти билан соат 00:00 да (16 июль кунига ўтар кечаси) бошланади. Биринчи финалист Францияни 2:0 ҳисобида мағлуб этган Испания терма жамоаси бўлди.