Ҳужумчи Пьер-Эмерик Обамеянг шу ёз «Марсель»ни тарк этиши мумкин.
Журналист Себастьян Дениснинг хабар беришича, форвард Франция клубидан кетишга тайёр. Габонлик футболчи «Депортиво»га ўтмоқчи — клуб саккиз йиллик танаффусдан сўнг илк бор Ла Лигага қайтди ва янги мавсумни элитада ўтказади. Трансфер суммаси тахминан 1,5 миллион еврони ташкил этиши кутилмоқда.
Пьер-Эмерик Обамеянг 2025 йилда эркин агент сифатида «Ал-Қодисия»дан «Марсель»га ўтган эди. Унинг «провансалликлар» билан тузган шартномаси 2027 йилнинг 30 июнига қадар мўлжалланган. 2025/26 йилги мавсумда ҳужумчи барча турнирларда 41 та ўйинда майдонга тушиб, 14 та гол урди ва 10 та голли узатмани амалга оширди.
