«Барселона» марказий ҳимоя чизиғини кучайтириш учун янги номзодларни изламоқда. «Sport» хабарига кўра, Каталония гранди устувор вариант сифатида «Тоттенҳэм»дан Кристиан Ромеро ва Бильбаонинг «Атлетик» клубидан Эмерик Лапортни белгилаб олган. «Кўк-анорранглилар» ўз вақтида Иньиго Мартинес каби Пау Кубарсига тажрибали шерик топишга умид қилишмоқда.
Бироқ, манбанинг аниқлик киритишича, аргентиналик ёки испаниялик футболчилардан бирини сафга қўшиб олиш учун «Барселона» ўз таркибидаги ўйинчилардан бири билан хайрлашишига тўғри келади. Transfermarkt экспертлари 28 ёшли Ромерони 45 миллион еврога, 32 ёшли Лапортни эса 8 миллион еврога баҳоламоқда.
