«Барселона» жиддий жароҳат олган ярим ҳимоячи Френки де Йонгдан узоқ муддатга айрилди.
Аввал хабар қилинганидек, нидерландиялик футболчи тахминан тўрт ойни ўтказиб юбориши мумкин. Шунга қарамай, Diario Sport маълумотларига кўра, Каталония клуби ҳозирча 29 ёшли хавбек ўрнига янги ўйинчи сотиб олишни режалаштирмаяпти. Ҳатто Марк Касадо сотиб юборилган тақдирда ҳам, мавсумолди тайёргарлик жараёнида мураббий Ханс-Дитер Флик Томми Маркес, Гилье Фернандес ва Брайан Фариньясга имконият беради. Фақат ёз охирига келиб, агар ёш ўйинчилардан ҳеч ким ўзини кўрсата олмаса, клуб ярим ҳимоя чизиғини кучайтириш имкониятини кўриб чиқиши мумкин.
Ўтган мавсумда «Барселона» Ла Лига ғолиби бўлди, Чемпионлар лигасида чорак финалга, Испания кубогида эса ярим финалгача етиб борди.
