Англия терма жамоаси собиқ дарвозабони Пол Робинсон ЖЧ-2026 ярим финали доирасидаги ўйинда аргентиналик Валентин Барконинг голни нишонлаш тарзини кескин танқид қилди.
«Бу вазиятда спортчига хос бўлган ҳеч қандай лойиқ ҳаракат кўрмадим. Бу, эҳтимол, Жаҳон чемпионатлари тарихидаги энг ёмон ўрнак бўлди», — дея Робинсоннинг сўзларини келтиради Metro нашри.
Ярим ҳимоячи Энцо Фернандес томонидан киритилган голдан сўнг, Барко рақиб дарвозаси ишғол этилганини «уч шерлар»нинг захира ўриндиғи рўпарасига бориб нишонлаган эди.
Эслатиб ўтамиз, учрашув Аргентинанинг 2:1 ҳисобидаги иродали ғалабаси билан якунланди. Эндиликда амалдаги чемпионлар финал баҳсида Испанияга қарши майдонга тушадилар. Ҳал қилувчи ўйин 19 июль кунига режалаштирилган.
