«Комо» италиялик ярим ҳимоячи Маттия Либерали билан шартнома имзолади, дея хабар бермоқда клуб матбуот хизмати. 19 ёшли футболчи билан тузилган келишув 2031 йилгача мўлжалланган.
«Комо»да ўз йўлимни бошлаш — бу ҳақиқий завқ. Мен ривожланиш ва яхшиланишни жуда хоҳлайман ҳамда бу борада клуб билан кўп ўхшашликларимиз борлигини англадим. Шунингдек, мураббий билан ҳам гаплашдим ва ўйин фалсафаси менга жуда мос келишини ҳис қилдим. Майдонга чиқишни ва мухлислар билан учрашишни интиқлик билан кутяпман», — дея Либералининг сўзларини келтиради «Комо» сайти.
Либерали — «Милан» тарбияланувчиси. Маттия «россонери» сафида 2024 йилнинг 15 декабрида, А Серия доирасида «Женоа»га қарши уй учрашувида (0:0) асосий таркибда дебют қилган.
2025/2026 йилги мавсумда италиялик футболчи «Катандзаро» сафида барча турнирларда 30 та ўйин ўтказиб, тўртта гол ва тўртта голли узатмага муаллифлик қилган. Transfermarkt портали маълумотларига кўра, футболчининг бозор қиймати 8,50 миллион еврони ташкил этади.
