Аргентина ва Испания терма жамоалари ЖЧ-2026 финалида ўзаро куч синашади.

Аргентиналиклар ярим финалда Англияни (2:1), испанлар эса Францияни (2:0) мағлуб этишди.

ЖЧ-2026 финали 19 июль куни Нью-Йоркда бўлиб ўтади. Учрашув Тошкент вақти билан соат 23:59 да бошланади.

Бу Аргентина ва Испаниянинг Жаҳон чемпионати плей-офф босқичидаги тарихда илк бор учрашуви бўлади.

Умуман олганда, терма жамоаларнинг расмий турнирларидаги иккинчи тўқнашувидир. 1966 йилги Жаҳон чемпионати гуруҳ босқичида жамоалар ўзаро ўйнаган ва унда аргентиналиклар ғалаба қозонишган (2:1).

Шунингдек, жамоалар 13 та ўртоқлик учрашувини ўтказишган (Испаниянинг 6 та ғалабаси, Аргентинанинг 5 та ғалабаси ва 2 та дуранг).

Таъкидлаш жоизки, жорий йилнинг март ойида Аргентина ва Испания Америка Кубоги соҳиби ҳамда Европа чемпиони ўртасидаги Финалиссима доирасида учрашиши керак эди. Бироқ якунда ўйин бекор қилинган эди.