«Арсенал» ва «Брюгге» Греция терма жамоаси ҳужумчиси Христос Цолиснинг трансфери бўйича музокараларни якунлашга яқин турибди. Бу ҳақда sport24.gr хабар бермоқда.
Лондон клуби 24 ёшли футболчи учун тахминан 40 миллион евро тўлашга тайёрлигини билдириб, бельгияликларнинг молиявий талабларини деярли қондирди. Агар трансфер эҳтимолий бонусларсиз шу сумма эвазига амалга ошса, бу грециялик футболчилар учун рекорд даражадаги сотув бўлади.
«Арсенал» «Брюгге» билан расмий музокараларни ҳафта бошида бошлаган эди. «Арсенал» ва футболчининг ўзи ўртасида ҳали келишувга эришилмаган. Гарчи ҳар икки томон ҳам битим тузишдан манфаатдор бўлса-да, футболчи билан музокаралар давом этмоқда.
