Мадриднинг «Атлетико» клуби ва Франция терма жамоасининг собиқ ҳужумчиси Антуан Гризманн 19 июль куни бўлиб ўтадиган Жаҳон чемпионати финалидан кутишлари билан ўртоқлашди. Учрашув Тошкент вақти билан 19 июль куни соат 23:59 да бошланади.
«Финалда менинг кўплаб собиқ жамоадошларим иштирок этади. Адашмасам, беш нафари Аргентинадан ва уч нафари Испаниядан. Мен уларнинг барчасига омад тилайман, аммо хабар ёзмаяпман — бирор омадсизлик келтириб қўймаслик учун», — деди Гризманн TNT Sports нашрига берган интервьюсида.
«Испания Францияни мағлуб этганидан кейин Маркос Льоренте билан бироз суҳбатлашдим. У жуда бахтиёр эди. Бутун Испания хурсанд. Барча финалчилар бу тажрибадан завқ олишлари керак, чунки бундай ҳолат бошқа такрорланмаслиги мумкин», — дея қўшимча қилди у.
Эслатиб ўтамиз, ушбу ёзда франциялик ҳужумчи «Атлетико»ни тарк этиб, «Орландо Сити» сафига ўтган эди.
