Madridning «Atletiko» klubi va Fransiya terma jamoasining sobiq hujumchisi Antuan Grizmann 19 iyul kuni bo‘lib o‘tadigan Jahon chempionati finalidan kutishlari bilan o‘rtoqlashdi. Uchrashuv Toshkent vaqti bilan 19 iyul kuni soat 23:59 da boshlanadi.

«Finalda mening ko‘plab sobiq jamoadoshlarim ishtirok etadi. Adashmasam, besh nafari Argentinadan va uch nafari Ispaniyadan. Men ularning barchasiga omad tilayman, ammo xabar yozmayapman — biror omadsizlik keltirib qo‘ymaslik uchun», — dedi Grizmann TNT Sports nashriga bergan intervyusida.

«Ispaniya Fransiyani mag‘lub etganidan keyin Markos Lyorente bilan biroz suhbatlashdim. U juda baxtiyor edi. Butun Ispaniya xursand. Barcha finalchilar bu tajribadan zavq olishlari kerak, chunki bunday holat boshqa takrorlanmasligi mumkin», — deya qo‘shimcha qildi u.

Eslatib o‘tamiz, ushbu yozda fransiyalik hujumchi «Atletiko»ni tark etib, «Orlando Siti» safiga o‘tgan edi.