«ПСЖ» ёзги трансферлар ойнасида ҳужумчи Брэдли Барколяни сотишни режалаштирмаяпти, бироқ 150 миллион евролик таклифни кўриб чиқиши мумкин, деб хабар беради L'Equipe.

Манбага кўра, 23 ёшли франциялик футболчига «Ливерпуль» ва «Арсенал» клублари қизиқиш билдирмоқда. «ПСЖ»нинг бундай қатъий позицияси туфайли футболчининг келажаги борасидаги вазият ёз охиригача чўзилиши мумкин.

2025/26 йилги мавсумда Баркола барча турнирларда 49 та ўйин ўтказиб, 13 та гол урди ва 7 та голли узатмани амалга оширди. Футболчининг парижликлар билан шартномаси 2028 йилнинг ёзигача мўлжалланган. Transfermarkt портали футболчининг трансфер қийматини 70 миллион еврога баҳоламоқда.