«Ливерпуль»нинг собиқ ҳужумчиси Муҳаммад Салоҳ Туркиянинг «Бешикташ» клубига ўтишдан манфаатдор, деб хабар бермоқда журналист Яғиз Сабунжуўғлу X ижтимоий тармоғида.
Манбага кўра, 1 июлдан бошлаб эркин агент мақомида бўлган 34 ёшли мисрлик футболчи йилига 15 миллион евро маош олишни кўзламоқда. Transfermarkt портали футболчининг трансфер қийматини 22 миллион еврога баҳоламоқда.
2025/26 йилги мавсумда мисрлик футболчи барча турнирларда 41 та ўйинда майдонга тушиб, 12 та гол урди ва 10 та голли узатмани амалга оширди. ЖЧ-2026 да у 5 та ўйинда 1 та гол ва 2 та голли узатма муаллифи бўлди.
