Оқ уй раҳбари Дональд Трамп Англия терма жамоасининг ЖЧ-2026 ярим финалида Аргентинага қарши кечган ўйиндаги мағлубиятининг эҳтимолий сабабларини тилга олди. Шу билан бирга, АҚШ етакчиси футболни унчалик тушунмаслигини алоҳида қайд этди.
АҚШ президенти англияликлар бош мураббийи Томас Тухель Аргентинага қарши ўйин давомида ҳужумчи Харри Кейнни ҳимояга қўймаслиги керак эди, деган фикрга келди.
«Ўйлайманки, улар Кейнни ҳимоя чизиғига қўйиб, балки хатога йўл қўйишгандир. Лекин футболда нимани ҳам тушунардим? Бу ҳақда бошқа изоҳ бермайман», — деди Трамп ФИФА президенти Жанни Инфантино билан ўтказилган қўшма матбуот анжуманида.
У Кейн билан гольф ўйнаганини эслаб, уни ажойиб футболчи деб атади.
Эслатиб ўтамиз, инглизлар ўйиннинг 85-дақиқасига қадар 1:0 ҳисобида олдинда бораётган эди, бироқ учрашув сўнгида иккита гол ўтказиб юбориб, мағлубиятга (1:2) учрашди.
