Аргентина терма жамоаси дарвозабони Эмилиано Мартинес жамоанинг финалга қадар босиб ўтган «осон» йўли ҳақидаги мавзуга яна бир бор тўхталди. Плей-офф босқичида «Альбиселесте» Кабо-Верде, Миср, Швейцария ва Англия терма жамоаларини мағлуб этишга муваффақ бўлди. Финалда эса аргентиналиклар Испания билан тўқнаш келишади.

«Одамлар бу жаҳон чемпионатидаги рақибларимиз ҳақида кўп гапиришди, лекин биз ким билан ўйнашни ўзимиз танламаганмиз. Масалан, Колумбия Португалия устидан устунлик қилди, кейин эса Швейцарияга ютқазиб қўйди, шу сабабли бизга Швейцария рақиб бўлди. Бу оғир ўйин эди. Барча учрашувлар жуда қийин кечади. Шунчаки майдонга тушиб, ўйинга мослашиш керак», — деди Эмилиано Мартинес финал олдидан ўтказилган матбуот анжуманида.

Соврин учун ҳал қилувчи баҳс 19 июль куни бўлиб ўтади.