Футбол бўйича Жаҳон чемпионатида Аргентина терма жамоаси сардори Лионель Месси ёшига қарамай ўз терма жамоасининг муваффақиятларида ҳал қилувчи роль ўйнашда давом этмоқда. 39 ёшли ҳужумчи жорий турнирда бир қатор асосий статистик кўрсаткичлар бўйича яққол пешқадамлик қилмоқда.

Хусусан, Месси мусобақа давомида рақиблар дарвозасини 8 бор ишғол этиб, тўпурарлар рўйхатини бошқариб боряпти. Шунингдек, у «гол+пас» тизимида ҳам 12 та натижали ҳаракат билан мутлақ биринчи ўринни эгаллаб турибди.

Аргентиналик юлдуз ҳужумларни ташкил қилиш ва рақиб ҳимоясини ёриб киришда ҳам фаоллик кўрсатмоқда. Унинг ҳисобида 25 та муваффақиятли алдаб ўтиш (дриблинг) ва жамоадошлари учун яратилган 19 та хавфли узатма мавжуд. Бундан ташқари, Месси рақиблар дарвозасига жами 35 та зарба йўллаган бўлиб, бу борада ҳам турнирнинг энг яхши натижасини қайд этган.

Эслатиб ўтамиз, Жаҳон чемпионатининг финалида Аргентина терма жамоаси Испанияга қарши майдонга тушади.