«Барселона» франциялик ҳимоячи Жюль Кунде бўйича келиб тушадиган таклифларни кўриб чиқишга тайёр. Бу ҳақда Diario SPORT нашри хабар бермоқда.

Манбага кўра, «кўк-анорранглилар» 27 ёшли футболчини 50-60 миллион евро эвазига қўйиб юборишга рози. Ҳимоячини Мюнхеннинг «Бавария» клуби ўз сафига қўшиб олмоқчи эди, аммо улар 40 миллион евродан ортиқ маблағ тўлашга тайёр эмас. «Барселона» раҳбарияти эса бу суммани етарли эмас деб ҳисоблагани айтилмоқда.

2025/26 йилги мавсумда Кунде барча турнирларда 47 та ўйинда майдонга тушиб, 3 та гол урди ва 4 та голли узатмага муаллифлик қилди.

Ҳимоячининг клуб билан амалдаги шартномаси 2030 йилнинг июнига қадар мўлжалланган.