«Barselona» fransiyalik himoyachi Jyul Kunde bo‘yicha kelib tushadigan takliflarni ko‘rib chiqishga tayyor. Bu haqda Diario SPORT nashri xabar bermoqda.

Manbaga ko‘ra, «ko‘k-anorranglilar» 27 yoshli futbolchini 50-60 million yevro evaziga qo‘yib yuborishga rozi. Himoyachini Myunxenning «Bavariya» klubi o‘z safiga qo‘shib olmoqchi edi, ammo ular 40 million yevrodan ortiq mablag‘ to‘lashga tayyor emas. «Barselona» rahbariyati esa bu summani yetarli emas deb hisoblagani aytilmoqda.

2025/26 yilgi mavsumda Kunde barcha turnirlarda 47 ta o‘yinda maydonga tushib, 3 ta gol urdi va 4 ta golli uzatmaga mualliflik qildi.

Himoyachining klub bilan amaldagi shartnomasi 2030 yilning iyuniga qadar mo‘ljallangan.