«Барселона» ҳужумчиси Ферран Торрес катта эҳтимол билан фаолиятини «Пари Сен-Жермен»да давом эттиради.
Diario Sport хабар беришича, томонлар футболчининг трансфери бўйича келишувга яқинлашмоқда. Каталония клуби янги ҳужумчи сотиб олишни режалаштираётгани сабабли, 26 ёшли испаниялик футболчи билан хайрлашишга тайёр. Шартномани узайтириш бўйича музокаралар ҳам кутилмаяпти, амалдаги келишув эса келаси йилнинг ўрталарида ўз ниҳоясига етади.
Transfermarkt портали экспертлари Ферран Торреснинг нархини 50 миллион еврога баҳоламоқда. Ўтган мавсумда футболчи Ханс-Дитер Флик бошқарувидаги жамоа сафида 49 та ўйинда майдонга тушиб, 21 та гол урди ва 3 та голли узатмани амалга оширди.
