«Barselona» hujumchisi Ferran Torres katta ehtimol bilan faoliyatini «Pari Sen-Jermen»da davom ettiradi.
Diario Sport xabar berishicha, tomonlar futbolchining transferi bo‘yicha kelishuvga yaqinlashmoqda. Kataloniya klubi yangi hujumchi sotib olishni rejalashtirayotgani sababli, 26 yoshli ispaniyalik futbolchi bilan xayrlashishga tayyor. Shartnomani uzaytirish bo‘yicha muzokaralar ham kutilmayapti, amaldagi kelishuv esa kelasi yilning o‘rtalarida o‘z nihoyasiga yetadi.
Transfermarkt portali ekspertlari Ferran Torresning narxini 50 million yevroga baholamoqda. O‘tgan mavsumda futbolchi Xans-Diter Flik boshqaruvidagi jamoa safida 49 ta o‘yinda maydonga tushib, 21 ta gol urdi va 3 ta golli uzatmani amalga oshirdi.
